15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
ՆԱՏՕ-ի գագաթնաժողովը կվերահաստատի, որ Ուկրաինան ապագայում կդառնա դաշինքի անդամ․ Ստոլտենբերգ
Քաղաքականություն
07.07.2023 | 17:52
Հաջորդ շաբաթ կայանալիք գագաթնաժողովում ՆԱՏՕ-ի անդամ երկրների առաջնորդները «կվերահաստատեն» ավելի վաղ ստանձնած պարտավորությունը, որ Ուկրաինան ապագայում կմիանա դաշինքին։ Այս մասին հայտարարել է ՆԱՏՕ-ի ղեկավար Յենս Ստոլտենբերգը, գրում է AFP-ն։
«Ես ակնկալում եմ, որ բոլոր առաջնորդները կվերահաստատեն, որ Ուկրաինան կդառնա ՆԱՏՕ-ի անդամ և կմիավորվեն, թե ինչպես Ուկրաինային մոտեցնել իր նպատակին»,- ասել է Ստոլտենբերգը։
Նա նաև նշել է, որ 500 օր է, ինչ Մոսկվան մահ ու ավերվածություն է բերել Եվրոպայի սիրտ։
«Մեր գագաթնաժողովը հստակ ուղերձ է հղելու՝ ՆԱՏՕ-ն մնում է միացյալ, և ռուսական ագրեսիան արդյունք չի տա»,- ասել է Ստոլտենբերգը։
Հավելենք, որ Վիլնյուսում հուլիսի 11-12-ը տեղի կունենա ՆԱՏՕ-ի անդամ երկրների ու կառավարությունների ղեկավարների գագաթնաժողովը։
Էմմա Չոբանյան
