16.01.2026 | 15:30
Պետությունը չի սուբսիդավորի սոցփաթեթի շահառուների 6000 դրամը․ ՏԵՍԱՆՅՈՒԹ
ԲԿՄԱ և «Վան» թիմերը` ՀՀ լողափնյա վոլեյբոլի 2023 թվականի չեմպիոններ
07.07.2023 | 16:30
ՀՀ կրթության, գիտության, մշակույթի և սպորտի նախարարության աջակցությամբ Երևանում անցկացվել է ՀՀ լողափնյա վոլեյբոլի 2023 թվականի կանանց և տղամարդկանց առաջնությունը,որին մասնակցել են կանանց 16 և տղամարդկանց 10 թիմեր․ տեղեկացնում են ՀՀ ԿԳՄՍՆ-ից։
Կանանց պայքարում առաջնության հաղթողի տիտղոսը նվաճել է «Վան» թիմը՝ եզրափակչում 2-0 հաշվով առավելության հասնելով Կոտայքի մարզի «Գեղաշեն-1» թիմի նկատմամբ: Ի դեպ, վերջիններս առաջնության հայտնությունն էին, որոնք եզրափակիչ էին դուրս եկել հաղթելով ավելի փորձառու թիմերին: Լավագույն եռյակը եզրափակել է «Գեղաշեն-2» թիմը՝ 2-0 հաշվով հաղթանակ տանելով ԲՊՀ թիմին:
Տղամարդկանց պայքարում առաջնության չեմպիոնի կոչման համար պայքարել են «ՖԻՄԱ-1», ԲԿՄԱ, «ՖԻՄԱ-2» և «Գյումրի» թիմերը: Հաղթահարելով առաջնության կիսաեզրափակիչ փուլերը՝ «ՖԻՄԱ-2»-ն ու ԲԿՄԱ-ն դուրս եկել եզրափակիչ: Վերջինս լարված պայքարում նվաճել է չեմպիոնի տիտղոսը:
Նշենք՝ լողափնյա վոլեյբոլի տղամարդկանց առաջնությանը Եվրոպայի վոլեյբոլի ֆեդերացիայի կողմից ճանաչվել է որպես ակումբային առաջնության տուր, իսկ առաջնության չեմպիոնը 2023 թվականին կմասնակցի լողափնյա վոլեյբոլի Եվրոպայի ակումբային առաջին առաջնությանը:
Հայաստանի առաջնության մրցանակակիրները պարգևատրվել են պատվոգրերով, մեդալներով և գավաթներով:
