15.09.2026 | 22:27
Արարատ Միրզոյանը հասարակական խորհրդի նիստում ներկայացրել է արտաքին քաղաքականության առաջնահերթությունները
ԵՄ-ում համաձայնեցրել են Ուկրաինայի համար զինամթերքի արտադրության ավելացման հարցը
Քաղաքականություն
07.07.2023 | 17:21
Եվրամիության խորհուրդը և Եվրախորհրդարանը համաձայնեցրել են Զինամթերքի արտադրության աջակցության ակտի (ASAP) կանոնակարգի նախագիծը, որը նախատեսում է տարեկան մինչև մեկ միլիոն զինամթերքի արտադրություն։ Այս մասին հայտնում է ԵՄ խորհրդի մամուլի ծառայությունը։
Համաձայնեցված դրույթը թույլ կտա հրատապ կերպով 500 միլիոն եվրո հատկացնել ԵՄ բյուջեից՝ աջակցելու ցամաքային ռազմամթերքի, հրետանային զինամթերքի, ինչպես նաև հրթիռների արտադրության արտադրական հզորությունների ընդլայնմանը:
Այսպիսով, ռազմավարությունն իրականացնում է 2023 թվականի մարտին խորհրդի կողմից համաձայնեցված ծրագրի երրորդ ուղղությունը՝ ապահովելու եվրոպական զինամթերքի արտադրության երկարաժամկետ աճ՝ ի շահ Ուկրաինայի և ԵՄ անդամ պետությունների:
Համաձայնագիրը ներկայացնում է գործիք, որը թույլ կտա ԵՄ-ին ֆինանսապես աջակցել զինամթերքի և հրթիռների արտադրության կարողությունների հզորացմանը: Այս աջակցությունը կտրամադրվի դրամաշնորհների տեսքով մի շարք միջոցառումների համար, որոնք կօգնեն եվրոպական պաշտպանական արդյունաբերությանը մեծացնել արտադրական կարողությունները և վերացնել հայտնաբերված սահմանափակումները:
Տաթև Ֆռանգյան
