06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
Իշխանությունները չունեն բավարար կամք՝ ոստիկանությունը բարեփոխելու․ Արա Ղարագյոզյան․ ՏԵՍԱՆՅՈՒԹ
Հասարակություն
07.07.2023 | 14:31
Փաստաբանները, որոնք զբաղվում են խոշտանգումների գործերով դատարանում տուժողների շահերի պաշտպանությամբ, ծայրահեղ ծանր վիճակում են։ «Ոստիկանական բռնությունների աճը՝ ոչ արդյունավետ բարեփոխումների հետևանք» թեմայով քննարկման ժամանակ այս տեսակետը հայտնեց ՝ փաստաբան Արա Ղարագյոզյանը։
«Ոստիկանության գործողությունները հասել են նրան, որ արդեն փաստաբաններին են խոշտանգումների ու բռնության ենթարկելում, դա նշանակում է, որ անպատժելիություն է տիրում, որովհետև ոստիկանության համակարգում բռնություններ իրականացրած բազմաթիվ անձինք ոչ միայն պատասխանատվության չեն ենթարկվում, այլ հակառակը՝ ամբաստանյալի աթոռից տեղափոխվում են նոր պաշտոնների։
Դա նշանակում է, որ իշխանությունները քաղաքական կամք չունեն ոստիկանական համակարգը բարեփոխելու համար։ Հայտարարված բարեփոխումները ոստիկանական համակարգում կրում են ձևական բնույթ»,- նշեց Ղարագյոզյանը։
Փաստաբանի խոսքով՝ իշխանությունն այնպիսի ոստիկանապետ է նշանակել, որի նկատմամբ հասարակությունը բացասական դիրքորոշում է հայտնել, բայց նրա նկատմամբ որևէ արդյունավետ քննություն չի իրականացվել․ «Քրեական գործեր են հարուցվում, բայց այդ գործերն այդպես էլ մնում են»։
Մանրամասները՝ տեսանյութում։
