14.08.2026 | 12:50
ՀՀ քաղաքացիություն ստանալու համար դիմող ՌԴ քաղաքացիները հիմնականում ազգությամբ հայեր են․ Ղազարյան. ՏԵՍԱՆՅՈՒԹ
Մոսկվայում հարձակվել են փաստաբան Պոնոմարյովայի վրա
Քաղաքականություն
07.07.2023 | 14:43
Հարձակում է իրականացվել Մոսկվայի մարզի իրավաբանների ասոցիացիայի անդամ Ելենա Պոնոմարյովայի վրա։ Այս մասին հայտնել են ասոցացիայից, գրում է DW-ի ռուսական ծառայությունը։
Ըստ տեղեկությունների՝ Մոսկվայում հուլիսի 6-ին հասարակական տրանսպորտի կանգառում անհայտ տղամարդը կանաչ ներկ է լցրել կնոջ վրա, փաստաբանը մարմնական վնասվածքներ է ստացել, վնասվել է աչքի ցանցաթաղանթը։ Պոնոմարյովան վստահ է, որ հարձակումը կապված է իր մասնագիտական գործունեության հետ։
Ավելի վաղ, ըստ պաշտպանի, նա սպառնալիքներ է ստացել մեսենջերներում, ինչը վկայում է, որ նրան հետևել են, նրա մեքենան ցողել են չմաքրվող ներկով, ինչը զգալի վնաս է հասցրել Պորոմարյովային։ Իրավապահ մարմիններին ուղղված դիմումն արդյունք չի տվել, մեղավորները չեն բացահայտվել։
Նշվում է, որ իրավիճակը Փաստաբանների պալատի և Փաստաբանների իրավունքների պաշտպանության հանձնաժողովի ղեկավարության ուշադրության կենտրոնում է։ Մոսկվայի շրջանի պալատի խորհուրդն առաջիկա մի քանի ժամվա ընթացքում հայտարարություն կփոխանցի քննչական իշխանությունների ղեկավարությանը՝ պահանջելով հանցանքների մանրակրկիտ հետաքննություն։
