07.10.2026 | 23:48
Արթուր Դանիելյանը կալանավորվեց
Բայդենը հավանություն է տվել Կիևին կասետային զինամթերք մատակարարելուն․ Washington Post
Քաղաքականություն
07.07.2023 | 16:44
ԱՄՆ նախագահ Ջո Բայդենը հավանություն է տվել Ուկրաինային կասետային զինամթերք մատակարարելուն։ Պենտագոնի պաշարներից դրանց մատակարարման մասին, ըստ The Washington Post-ի, կհայտարարվի ուրբաթ ավելի ուշ։
Աշխարհի ավելի քան 120 երկրներում արգելված կասետային զինամթերքը սովորաբար մեծ քանակությամբ փոքր, պայթուցիկ զինամթերք է արձակում, որը տարածվում է լայն շառավղով և կարող է սպանել քաղաքացիական անձանց:
Ավելի վաղ ԱՄՆ պաշտպանության փոխնախարարի՝ Ռուսաստանի, Ուկրաինայի և Եվրասիայի հարցերով տեղակալ Լորա Կուպերն ասել էր, որ ԱՄՆ-ում կարծում են, որ ռազմաճակատում արդյունավետության առումով կասետային զինամթերքի օգտագործումը օգտակար կլինի։
Կասետային զինամթերքի կիրառման հակառակորդները զգուշացնում են, որ ազդեցության մեծ տարածքի պատճառով դրանք կարող են խեղել և սպանել քաղաքացիական անձանց, իսկ արկերը, որոնք պարբերաբար չեն պայթում, հակամարտության ավարտից հետո երկար տարիներ շարունակում են վտանգավոր են մնալ:
Հավելենք, որ 2008 թվականի պայմանագիրը, որն արգելում է կասետային զինամթերքի արտադրությունը, օգտագործումը և պահումը, համաձայնեցվել է 123 երկրների, այդ թվում՝ ՆԱՏՕ-ի անդամների մեծ մասի կողմից: ԱՄՆ-ը, Ռուսաստանը և Ուկրաինան հրաժարվել են միանալ համաձայնագրին։
Տաթև Ֆռանգյան
