16.01.2026 | 15:26
«Ուրարտուի» սանը մահացել է 18 տարեկանում
ԱՄՆ վարչակազմը հաստատել է թոշակի անցած դիվանագետների և Լավրովի միջև գաղտնի բանակցությունների մասին տեղեկությունները
Քաղաքականություն
07.07.2023 | 11:20
Հինգշաբթի ԱՄՆ վարչակազմի պաշտոնյաները հաստատել են NBC-ի տեղեկություններն այն մասին, որ ԱՄՆ արտաքին քաղաքականության մի քանի վետերաններ վերջին ամիսներին փորձում են Ռուսաստանի հետ բանակցությունների ոչ պաշտոնական, այլընտրանքային ուղի։ Նրանք ապրիլին Նյու Յորքում հանդիպել են ՌԴ ԱԳ նախարար Սերգեյ Լավրովի հետ: Սպիտակ տունը, ըստ NBC-ի, գիտեր այդ շփումների մասին, սակայն չի նախաձեռնել կամ արտոնել դրանք: ԱՄՆ նախագահի աշխատակազմի Ազգային անվտանգության խորհրդի ներկայացուցիչ Ջոն Քիրբին է խոսել այս մասին, գրում է BBC-ի ռուսական ծառայությունը։
«Բայց ես կցանկանայի ընդգծել, որ մենք չենք խրախուսել այդ բանակցությունները, չենք նախաձեռնել դրանք և ոչ մի ձևով չենք աջակցել»,- հավելել է Քիրբին։
Պետդեպարտամենտի մամուլի ծառայությունը Reuters-ի հարցին նմանատիպ պատասխան է տվել. «Բայդենի վարչակազմը չի արտոնել այդ քննարկումները»։
Ե՛վ Քիրբին, և՛ Պետդեպարտամենտի մամուլի ծառայությունը հիշեցրել են նախագահ Ջո Բայդենի հռչակած սկզբունքը՝ առանց Ուկրաինայի մասնակցության ոչ մի բանակցություն Ուկրաինայի մասին. «nothing about Ukraine without Ukraine»:
Պետքարտուղարության մամուլի ծառայությունը հավելել է, որ ԱՄՆ-ը կշարունակի զենքով օգնել Ուկրաինային, որպեսզի Կիևը կարողանա ուժի դիրքերից խոսել Ռուսաստանի հետ ապագա խաղաղ բանակցություններում։
