26.06.2026 | 20:49
Իրանի փոխնախագահ Համիդ Փուրմոհամադին ժամանել է Հայաստան
Եգիպտոսի նախագահն առաջին անգամ կայցելի Թուրքիա
Քաղաքականություն
06.07.2023 | 17:17
Անկարայի և Կահիրեի կողմից դեսպանների փոխադարձ նշանակումից հետո Եգիպտոսի նախագահ Ֆաթահ ալ-Սիսին պատրաստվում է առաջին անգամ այցելել Թուրքիա։ Ըստ Independent-ի թուրքական ծառայության՝ Եգիպտոսի նախագահը պաշտոնական այցով Թուրքիա կմեկնի հուլիսի 27-ին։
Նախատեսվում է հանդիպում Թուրքիայի նախագահ Ռեջեփ Թայիփ Էրդողանի հետ, որի ընթացքում քննարկվելու են ինչպես երկկողմ հարաբերությունները, այնպես էլ տարածաշրջանային զարգացումները։
Հավելենք, որ օրերս երկու երկրների ԱԳՆ-ները հայտարարել էին մեկ տասնամյակ անց դեսպանների նշանակելու և դիվանագիտական հարաբերությունները վերականգնելու մասին։ Ամր Էլհամամին դառնալու է Անկարայում Եգիպտոսի դեսպանը, Թուրքիան էլ Սալիհ Մութլու Սենի թեկնածությունն է առաջադրել Կահիրեում դեսպանի պաշտոնի համար։
Երկու երկրները դեսպաններ չունեն 2013 թվականից, երբ Եգիպտոսը վտարել էր Թուրքիայի դեսպանին և մեղադրել Անկարային այն կազմակերպություններին աջակցելու մեջ, որոնք ձգտում են խարխլել երկիրը:
Հավելենք, որ Էրդողանն ու Սիսին հանդիպել էին Դոհայում 2022 թվականին՝ Ֆուտբոլի աշխարհի առաջնության ժամանակ։
Էմմա Չոբանյան
