26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Meta-ն գործարկել է Twitter-ի մրցակից նոր հարթակը
Քաղաքականություն
06.07.2023 | 16:51
Ամերիկյան Meta ընկերությունը, որին պատկանում են Facebook և Instaram սոցիալական ցանցերը, հուլիսի 6-ին պաշտոնապես թողարկել է Threads անվանումով միկրոբլոգային ծառայությունը, որը կարող է դառնալ Իլոն Մասկին պատկանող Twitter-ի հիմնական մրցակիցը, գրում է DW-ի ռուսական ծառայությունը։
«Եկեք դա անենք: Բարի գալուստ Threads»,- նոր հարթակում առաջին գրառումն է արել Meta-ի գործադիր տնօրեն Մարկ Ցուկերբերգը։
Նա նշել է, որ գործարկումից հետո առաջին երկու ժամվա ընթացքում հավելվածում արդեն գրանցվել է երկու միլիոն օգտատեր։
Twitter-ի նման հարթակը թույլ է տալիս կարճ տեքստային հաղորդագրություններ հրապարակել, որոնք կարելի է հավանել, մեկնաբանել կամ կիսվել, միաժամանակ, ուղիղ հաղորդագրություններ ուղարկելու հնարավորություն այն չունի։ Հավելվածը հիմնված է Instagram-ի բազայի վրա, որտեղից կարելի է փոխանցել անձնական տվյալներ և բաժանորդների։ Գրառումները կարող են լինել մինչև 500 նիշ և պարունակել հղումներ, լուսանկարներ և տեսանյութեր մինչև հինգ րոպե տևողությամբ։ Հավելվածը հասանելի է Apple App Store-ում և Google Play Store-ում՝ աշխարհի ավելի քան 100 երկրներում։
Meta-ն հայտարարել է Threads-ի մեկնարկի մասին Twitter-ի օգտատերերի լայնածավալ վրդովմունքի ֆոնին՝ հրապարակումների դիտումների սահմանափակումների պատճառով։ Մասկը սահմանափակումների անհրաժեշտությունը պարզաբանել է «տվյալների հավաքագրման և մանիպուլյացիայի չափազանց բարձր մակարդակով» ու վստահեցրել, որ դա ժամանակավոր բնույթ է կրում։
Էմմա Չոբանյան
