14.08.2026 | 15:17
«Ուժեղ Հայաստան»-ի թեկնածուն Դավիթ Ղազինյանն է․ տարածքային կառավարման հանձնաժողովի նախագահի ընտրության հարցն է քննարկվում
Վրաստանը բացառում է Սաակաշվիլիի հարցով Ուկրաինայի հետ ցանկացած խորհրդակցություն
Քաղաքականություն
06.07.2023 | 15:56
Վրաստանի կառավարությունը բացառում է Ուկրաինայի հետ խորհրդակցությունների անցկացումը նախկին նախագահ Միխեիլ Սաակաշվիլիի գործով։ Այս մասին հայտարարել է իշխող «Վրացական երազանք» կուսակցության ղեկավար Իրակլի Կոբախիձեն, հայտնում է Վրաստանի Առաջին ալիքը։
Քաղաքական գործիչն արձագանքել է Սաակաշվիլիի հետ կապված իրավիճակով պայմանավորված Վրաստանի դեսպանին խորհրդակցությունների համար Թբիլիսի ուղարկելու՝ Կիևի որոշմանը։
Կոբախիձեն նշել է, որ Ուկրաինայում Վրաստանի դեսպանը Կիևում է մնացել Ռուսաստանի Դաշնության կողմից Ուկրաինա լայնամասշտաբ ներխուժման առաջին իսկ օրվանից և ուկրաինական իշխանությունների քայլն անվանել է «վիրավորական և զայրացնող»։
Հիշեցնենք, որ հուլիսի 4-ին Ուկրաինայի ԱԳՆ-ն խորհուրդ էր տվել Վրաստանի դեսպանին վերադառնալ Թբիլիսի։ Նման կտրուկ քայլ արվել է այն բանից հետո, երբ հայտնի է դարձել Միխեիլ Սաակաշվիլիի ծայրահեղ հյուծված վիճակի մասին։
Տաթև Ֆռանգյան
