15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Շոտլանդիայում երկրորդ անգամ թագադրվել են Չարլզ III-ը և նրա կինը՝ Կամիլան
Քաղաքականություն
06.07.2023 | 13:40
Չորեքշաբթի Էդինբուրգի Սուրբ Ջայլսի տաճարում տեղի է ունեցել Չարլզ III-ի և նրա կնոջ՝ Կամիլայի երկրորդ հանդիսավոր թագադրումը։ Այս մասին հայտնում է Reuters-ը։
Հանդիսավոր արարողությանը ներկա են եղել արքայազն Ուիլյամը և Քեյթ Միդլթոնը, Շոտլանդիայի կառավարության անդամներ և հասարակության տարբեր խավերի շուրջ 100 ներկայացուցիչներ։ Մասնակցել են նաև թագավորական նավատորմի, բրիտանական բանակի և թագավորական օդուժի ավելի քան 700 անդամ։
Արարողության ժամանակ Չարլզ III թագավորին են նվիրել Շոտլանդիայի ռեգալիան՝ թագ, որը պատրաստվել է 1540 թվականին Շոտլանդիայի թագավոր Ջեյմս V թագավորի համար, գավազան, որը, ենթադրաբար, Ջեյքոբ IV-ին է նվիրել Հռոմի պապ Ալեքսանդր VI-ը 1494 թվականին, ինչպես նաև պետական սուրը։
Արարողությունից հետո Էդինբուրգի ամրոցում 21 թնդանոթից հրավառություն է արձակվել, ինչպես նաև օդային շքերթ է անցկացվել թագավորական օդուժի կողմից։
Տաթև Ֆռանգյան
