23.04.2026 | 10:49
«Ուժեղ Հայաստանի» պատգամավորի թեկնածուից պետությանը վերադարձվեց 8 հողամաս Գյուլագարակում․ ՔԿ
ՀՀ ԱԳՆ-ի արձագանքն Ալիևի ագրեսիվ հռետորաբանությանը
Քաղաքականություն
05.07.2023 | 18:40
ՀՀ ԱԳՆ-ն արձագանքել է Ադրբեջանի նախագահ Իլհամ Ալիևի՝ Բաքվում անցկացվող Չմիավորման շարժման համակարգող բյուրոյի նախարարական հանդիպման ժամանակ այսօր արված ագրեսիվ հայտարարություններին։
«Հերթական անգամ տեսնում ենք, որ Ադրբեջանն օգտագործում է Չմիավորման շարժումն ու իր նախագահության հարթակը ագրեսիվ և հակահայկական նարատիվների համար, այդ թվում՝ խեղաթյուրում Լեռնային Ղարաբաղի հակամարտության էությունը։ Սա խախտում է ինչպես կազմակերպության սկզբունքները, այնպես էլ միջազգային իրավունքի սկզբունքներն ու միջազգային ատյանների որոշումները»,- ասվում է ԱԳՆ խոսնակ Անի Բադալյանի թվիթերյան գրառման մեջ։
Բադալյանը նշում է, որ այսպիսով Բաքուն փորձում է ուշադրությունը շեղել իր իսկ կողմից իրականացվող խախտումներից։
«Սա փորձ է՝ շեղել Չմիավորման շարժման անդամների ուշադրությունն Ադրբեջանի կողմից միջազգային հումանիտար իրավունքի կոպիտ խախտումներից, այդ թվում՝ Լաչինի միջանցքի գրեթե 7 ամիս շրջափակումը, Արդարադատության միջազգային դատարանի որոշման չկատարումը։ Մենք կոչ ենք անում անդամ երկրներին մերժել նման փորձերը և աջակցել Հարավային Կովկասում կայունություն կառուցելու իրական ջանքերին»,- ասվում է հայտարարության մեջ։
Էմմա Չոբանյան
