06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Զապորոժիեի ԱԷԿ-ի ականապատման նշաններ չկան․ ՄԱԳԱՏԷ-ի ղեկավար
Քաղաքականություն
05.07.2023 | 20:27
Ատոմային էներգիայի միջազգային գործակալության (ՄԱԳԱՏԷ) տեսուչները Զապորոժիեի ատոմակայանի ականապատման նշաններ չեն տեսել։ BBC-ի ռուսական ծառայության փոխանցմամբ՝ այս մասին հայտարարել է ՄԱԳԱՏԷ-ի ղեկավար Ռաֆայել Գրոսին։
«Սակայն մենք շարունակում ենք պահպանել զգոնությունը»,- հավելել է նա։
Վերջին օրերին նկատելիորեն սրվել է իրավիճակը Զապորոժիեի ատոմակայանի շուրջ, որը գրավել են ռուսական զորքերը։ Մոսկվան և Կիևը միմյանց մեղադրում են միջուկային օբյեկտի վրա հարձակում նախապատրաստելու կամ այն պայթեցնելու սադրանքի մեջ։
Հուլիսի 4-ին «Ռոսէներգոատոմի» ղեկավարի խորհրդական Ռենատ Կարչաան հայտարարել էր չորեքշաբթի գիշերը Զապորոժիեի ատոմակայանի վրա կամիկաձե անօդաչու թռչող սարքերով և «Տոչկա-Ու» հրթիռով հարձակվելու՝ Ուկրաինայի ծրագրերի մասին։
Իր հերթին, Ուկրաինայի նախագահ Վլադիմիր Զելենսկին, հղում անելով հետախուզությանը, հայտարարել է, որ Ռուսաստանը կայանի էներգաբլոկների տանիքին պայթուցիկ նյութերի նման առարկաներ է տեղադրել։
Տաթև Ֆռանգյան
