15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Իսրայելի պաշտպանության բանակը հայտնել է Հորդանան գետի արևմտյան ափին օպերացիայի ավարտի մասին
Քաղաքականություն
05.07.2023 | 18:17
Իսրայելի պաշտպանության բանակը հայտարարել է Հորդանան գետի արևմտյան ափին գտնվող Ջենինում գործողության ավարտի մասին։ Զինվորականները հայտնել են, որ առգրավել են մեծ քանակությամբ զենք, ռումբեր պատրաստելու նյութեր և կանխիկ գումարի պահոցներ: Զենքեր են հայտնաբերվել ինչպես զինյալների թաքստոցներում, այնպես էլ քաղաքացիական բնակավայրերում, այդ թվում՝ մզկիթի տակ։ Մարտերի ժամանակ սպանվել է իսրայելցի սերժանտ, գրում է Euronews-ը։
Իսրայելը պնդում է, որ Ջենինը վերջերս դե ֆակտո բազա էր դարձել ահաբեկիչների համար, որոնք հարձակումներ են իրականացնում իսրայելցիների վրա և հրթիռային հարվածներ հասցնում Իսրայելի տարածքին։
Իսրայելական զորքերի դուրսբերման ժամանակ Գազայի հատվածից գրոհայինները հինգ հրթիռ են արձակել Իսրայելի ուղղությամբ, ՀՕՊ ուժերը բոլորը որսացել են։
Պաղեստինցի բժիշկների տվյալներով՝ հարձակման ընթացքում զոհվել է 13 մարդ, տասնյակ մարդիկ վիրավորվել են։ Միջազգային մարդասիրական կազմակերպությունները նշում են, որ օպերացիայի տարածք շտապօգնության մեքենաների հասանելիությունը սահմանափակ է եղել։
ՄԱԿ-ի Անվտանգության խորհուրդը չորեքշաբթի փակ խորհրդակցություններ կանցկացնի Ջենինում տիրող իրավիճակի շուրջ։
Հավելենք, որ ՄԱԿ-ը դատապարտել է իսրայելական գործողության մասշտաբները։ Կազմակերպության մարդու իրավունքների գերագույն հանձնակատար Ֆոլքեր Թյուրքի խոսքով՝ բռնությունը միայն ավելի շատ բռնություն է ծնում:
Տաթև Ֆռանգյան
