27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Թուրքիայի, Շվեդիայի և Ֆինլանդիայի ԱԳ նախարարները վաղը Բրյուսելում բանակցություններ կանցկացնեն
Քաղաքականություն
05.07.2023 | 16:06
Թուրքիայի, Ֆինլանդիայի և Շվեդիայի ԱԳ նախարարները վաղը հանդիպելու են Բրյուսելում՝ քննարկելու ՆԱՏՕ-ին Ստոկհոլմի միանալու հարցը։ Այս մասին թվիթերյան գրառմամբ հայտնել է Ֆինլանդիայի ԱԳ նախարար Էլինա Վալտոնենը։
«Վաղը Բրյուսելում մասնակցելու եմ Շվեդիայի, Թուրքիայի, Ֆինլանդիայի ԱԳ նախարարների հանդիպմանը ՆԱՏՕ-ի գլխավոր քարտուղար Յենս Ստոլտենբերգի հրավերով»,- գրել է Վալտոնենը։
Նա նաև շնորհակալություն է հայտնել Թուրքիայի ԱԳ նախարար Հաքան Ֆիդանին «հեռախոսային լավ քննարկման համար»։
Նշենք, որ այս բանակցությունները նախորդում են հուլիսի 11-12-ը Վիլնյուսում կայանալիք ՆԱՏՕ-ի գագաթնաժողովին։ Մինչ այդ, Անկարան շարունակում է պահանջներ ներկայացնել ու չվավերացնել Շվեդիայի՝ ՆԱՏՕ-ին անդամակցության հայտը։
Էմմա Չոբանյան
