06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Հուլիսի 3-ը դարձել է ամենաշոգ օրը մոլորակի դիտարկումների պատմության մեջ
Քաղաքականություն
05.07.2023 | 18:49
2023 թվականի հուլիսի 3-ը, ըստ օդերևութաբանների, դիտարկումների պատմության մեջ ամենաշոգ օրն է եղել. այդ օրը ամբողջ մոլորակի միջին ջերմաստիճանը գերազանցել է յոթ տարի առաջ սահմանված ռեկորդը, գրում է BBC-ի ռուսական ծառայւթյունը:
ԱՄՆ կառավարական «Շրջակա միջավայրի կանխատեսումների ազգային կենտրոններ» գործակալության գիտնականները հայտարարել են, որ հուլիսի 3-ին գլոբալ միջին ջերմաստիճանը հասել է 17,01 աստիճանի՝ ըստ Ցելսիուսի։ Նախորդ ռեկորդը, որը գրանցվել էր 2016 թվականի օգոստոսին, եղել է 16,92 աստիճան:
Գիտնականները պարզաբանում են, որ հուլիսի 3-ն ամենաշոգ օրն է եղել 1979 թվականից ի վեր, երբ սկսվել է եղանակի մոնիթորինգը։ Նրանք, սակայն, վստահ են, որ դա ռեկորդ է 19-րդ դարի վերջից սկսած պարբերական գիտական դիտարկումների ամբողջ պատմության մեջ։
Այս տարվա հունիսը, ըստ օդերևութաբանների, մոլորակի ամենատաք հունիսն էր դիտարկումների պատմության մեջ։
Գիտնականները կարծում են, որ ջերմոցային գազերի արտանետումների հետևանքով կլիմայի ընդհանուր փոփոխության համադրությունը և Էլ Նինյո բնական երևույթի սկիզբը նպաստում են ջերմային նոր ռեկորդներ սահմանելուն:
Էլ Նինյոն հզոր բնական երևույթ է, ջրի ջերմաստիճանի պարբերական բարձրացում հասարակածային և Խաղաղ օվկիանոսի հարավում։ Այն ազդում է ամբողջ մոլորակի կլիմայի վրա: Վերջին Էլ Նինյոն (իսպաներեն՝ «տղա») եղել է 2016 թվականին։ Այժմ այն, ըստ գիտնականների, վերադառնում է։
Տաթև Ֆռանգյան
