02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
«Վագների» հեռանալու պատճառով ՌԴ-ն Ուկրաինա կուղարկի ավելի շատ չեչեն զինվորականների ու բանտարկյալների․ Bloomberg
Քաղաքականություն
05.07.2023 | 17:27
Ռուսաստանը պատրաստվում է Ուկրաինա ուղարկել ավելի շատ չեչենական ջոկատներ ու բանտարկյալների, որպեսզի կարողանա լրացնել զինվորականների բացը «Վագներ» մասնավոր ռազմական խմբավորման ստորաբաժանումների դուրսբերումից հետո։ Այս մասին հայտնում է Bloomberg-ը՝ վկայակոչելով եվրոպական հետախուզության ներկայացուցիչներին, փոխանցում է BBC-ի ռուսական ծառայությունը։
Ըստ աղբյուրների՝ Ռուսաստանը մեծ թվով ստորաբաժանումներ է տեղափոխել ամիսներ տևած մարտերից հետո վագներականների կողմից գրավված Բախմուտ։ Արդյունքում նկատելիորեն թուլացել է հարավային Ուկրաինայի օկուպացված շրջանների պաշտպանությունը։
Նշվում է, որ «Վագների» հիմնադիր Եվգենի Պրիգոժինի ապստամբությունը ռուսական ուժերին զրկել է ամենափորձված մարտիկներից։
Եվրոպացի պաշտոնյաներն ասել են, որ թեպետ «Վագների» հեռանալը չի փոխի Ուկրաինայում պատերազմի ընթացքը, ՌԴ նախագահ Պուտինի վճռականությունը՝ խուսափելու զանգվածային ռազմական մոբիլիզացիայից, նշանակում է, որ Ռուսաստանը, հավանաբար, առաջիկա շաբաթներին ավելի շատ չեչենների և բանտարկյալների կուղարկի առաջնագիծ։
Եվրոպացի պաշտոնյաները կարծում են, որ «Վագներ»-ից փոխառելով բանտարկյալներին հավաքագրելու փորձը՝ ՌԴ ՊՆ-ն աստիճանաբար ավելացրել է նրանց թիվը բանակում՝ հասցնելով շուրջ 15 հազար մարդու։ Այս թիվը, ամենայն հավանականությամբ, կաճի։
Լրատվամիջոցը գրում է, որ պարզ չէ, թե որքան լրացուցիչ ուժեր կարող է տրամադրել Չեչնիան, որի ղեկավար Ռամզան Կադիրովը մայիսին հայտարարել էր, որ մոտ 7000 չեչեն զինվորականներ արդեն գտնվում են Ուկրաինայում, ևս 2400-ը վերապատրաստվում են ՊՆ երկու նոր գնդերի համար։
Էմմա Չոբանյան
