14.12.2024 | 19:57
Ինչ իրավիճակ է ճանապարհներին 19։35-ի դրությամբ
ՌԴ-ն պատերազմի ընթացքում կորցրել է մարտունակության գրեթե կեսը. բրիտանացի բարձրաստիճան զինվորական
Քաղաքականություն
05.07.2023 | 14:31
Ռուսաստանն Ուկրաինայի դեմ պատերազմի ընթացքում կորցրել է իր մարտունակության գրեթե կեսը։ Այս մասին հայտարարել է Մեծ Բրիտանիայի պաշտպանության շտաբի պետ Էնթոնի Ռադակինը Financial Times-ին տված հարցազրույցում։
2022 թվականին ռուսական ուժերն օգտագործել են 10 միլիոն հրանոթի արկ, մինչդեռ երկիրը կարող է տարեկան լավագույն դեպքում արտադրել 1 միլիոն արկ, նշել է բրիտանացի պաշտոնյան։ Բացի այդ, Ռուսաստանը «կորցրել է 2500 տանկ, բայց այն լավագույն դեպքում կարող է արտադրել տարեկան 200 տանկ», հավելել է Ռադակինը։
Բրիտանացի հրամանատարը մեկնաբանել է նաև Ուկրաինայի զինված ուժերի հակահարձակումը։ Նա նշել է, որ Կիևի արևմտյան դաշնակիցներն ուկրաինական զորքերի կողմից շուտափույթ բեկման հույս ունեին։ Այնուամենայնիվ, ռուսական ականապատ դաշտերի մեծ խտությունը, ուկրաինական ուժերի օդային ծածկույթի բացակայությունը և թերապահովված զինտեխնիկան բարդացրել են հակահարձակողական արշավը:
Իսկ ընդհանրապես, ըստ Ռադակինի, անարդար էր ուկրաինական հարձակողական գործողությունները կապել որոշակի ժամանակահատվածի հետ, քանի որ հակահարձակումը միջոցառումների ամբողջություն է։
