15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Ալիևը Ֆրանսիային մեղադրել է Արցախի հայերին աջակցելու և «գաղութային քաղաքականության» համար
Քաղաքականություն
05.07.2023 | 14:01
Բաքվում անցկացվող Չմիավորման շարժման համակարգող բյուրոյի նախարարական հանդիպման ժամանակ Ադրբեջանի նախագահ Իլհամ Ալիևը հայտարարել է, թե Ֆրանսիան աջակցում է Արցախի հայերին։
«Ֆրանսիան իրեն կեղծ դիրքավորելով որպես մարդու իրավունքների և միջազգային իրավունքի պաշտպան՝ շարունակում է միջամտել այլ երկրների ներքին գործերին»,- ասել է Ալիևը։
Նա հավելել է, թե վերջերս Մալիից և Բուրկինա Ֆասոյից ֆրանսիական զորքերի դուրսբերումը «ևս մեկ անգամ ցույց է տվել, որ Ֆրանսիայի նեոգաղութատիրական քաղաքականությունն Աֆրիկայում դատապարտված է ձախողման»:
«Ֆրանսիան փորձում է նույն արատավոր պրակտիկան պարտադրել Հարավային Կովկասում՝ աջակցելով հայկական անջատողականությանն Ադրբեջանի Ղարաբաղի տարածաշրջանում և օգտագործելով աշխարհաքաղաքական մրցակցությունը, արտաքին ռազմական ներկայությունը և գաղութային քաղաքականությունը»,- հայտարարել է Ալիևը։
Բացի այդ, Ադրբեջանի նախագահը Ֆրանսիային մեղադրել է «ցեղասպանություններ իրականացնելու համար»։ Նա նշել է, որ «Ֆրանսիան պետք է ներողություն խնդրի իր «գաղութային անցյալի և արյունալի գաղութային հանցագործությունների, ինչպես նաև Աֆրիկայում, Հարավարևելյան Ասիայում և այլուր Չմիավորման շարժման անդամ երկրների դեմ ցեղասպանության համար»։
Էմմա Չոբանյան
