25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Թալիբները կարգադրել են փակել Աֆղանստանի բոլոր գեղեցկության սրահները
Քաղաքականություն
05.07.2023 | 12:06
Աֆղանստանի բոլոր գեղեցկության սրահները պետք է փակվեն մեկ ամսվա ընթացքում։ Այս հրամանը արձակել է թալիբների կառավարությունը՝ շարունակելով կանանց մուտքը հասարակական վայրեր սահմանափակելու քաղաքականությունը։ Այս մասին, հայտնել է Reuters գործակալությունը՝ վկայակոչելով Թալիբանի առաքինության քարոզչության նախարարությանը։
«Կանանց համար գեղեցկության սրահների փակման վերջնաժամկետը մեկ ամիս է»,- ասել է նախարարության ներկայացուցիչ Մոհամմադ Սադիկ Աքիֆը։
Քաբուլում և Աֆղանստանի այլ քաղաքներում գեղեցկության սրահներ են բացվել 2001 թվականի վերջին:
Շատերն աշխատել են երկու տարի առաջ իսլամիստների իշխանության վերադարձից հետո, թեև փակ ցուցափեղկերի ներքո։
Անցյալ տարի թալիբները փակեցին աղջիկների ավագ դպրոցների մեծ մասը և կանանց արգելեցին սովորել համալսարաններում և աշխատել աֆղաններին օգնող ոչ կառավարական կազմակերպություններում: Կանանց արգելվել է որոշ հասարակական վայրեր այցելել՝ ներառյալ բաղնիք, մարզասրահ և այգի:
Օտարերկրյա կառավարությունները և ՄԱԿ-ի պաշտոնյաները բազմիցս դատապարտել են իսլամիստ կանանց իրավունքների նկատմամբ սահմանափակումների ավելացումը և հայտարարել, որ նման սահմանափակումները խոչընդոտում են թալիբների միջազգային ճանաչման ցանկացած հնարավոր առաջընթացին:
