26.06.2026 | 16:34
Ամերիաբանկն ՕՊԵԿ-ի Միջազգային զարգացման հիմնադրամից ներգրավել է 50 միլիոն ԱՄՆ դոլար՝ խթանելու ՓՄՁ ֆինանսավորումը Հայաստանում
ՌԴ ԱԳՆ-ն հայտարարել է, որ հացահատիկային գործարքը երկարաձգելու հիմքեր չկան․ ժամկետը լրանում է հուլիսի 17-ին
Քաղաքականություն
04.07.2023 | 19:13
ՌԴ ԱԳՆ-ն հայտարարել է, որ սևծովյան հացահատիկային գործարքը երկարաձգելու համար հիմքեր չկան, դրա ժամկետն ավարտվում է հուլիսի 17-ին։ Ըստ ռուսական գերատեսչության՝ ՌԴ-ն անհրաժեշտ ջանքեր է գործադրում, որպեսզի համաձայնագրին մասնակցող բոլոր նավերը կարողանան լքել Սև ծովը մինչ այս ամսաթիվը։
2022 թվականի հուլիսին Ռուսաստանը և Ուկրաինան համաձայնագիր են ստորագրել Թուրքիայի և ՄԱԿ-ի հետ Սև ծովի նավահանգիստներից ուկրաինական հացահատիկի արտահանման մասին՝ հիմնականում զարգացող երկրներ։
Անցյալ տարվա աշնանը Ռուսաստանն արդեն անորոշ ժամանակով կասեցրել էր Ուկրաինայի հետ «հացահատիկային գործարքը»՝ որպես պատճառ նշելով Սևաստոպոլի վրա հարձակումը, բայց հետո, այնուամենայնիվ, այն երկարաձգվեց։
Այժմ, գործարքի հաջորդ երկարաձգման նախօրեին, ռուս պաշտոնյաները նույնպես հայտարարել են այն երկարաձգելու ցանկության մասին. հունիսի վերջին այս մասին խոսել է արտգործնախարար Սերգեյ Լավրովը։
Երկուշաբթի Financial Times-ը, հղում անելով իր աղբյուրներին, հայտնել էր, որ հացահատիկային գործարքը փրկելու համար ԵՄ-ն դիտարկում է SWIFT-ին ռուսական Ռոսսելխոզնադզոր բանկի դուստր ձեռնարկությանը միացնելու հարցը, չնայած այն հանգամանքին, որ այդ բանկը պատկանում է ռուսական պետությանը։
Տաթև Ֆռանգյան
