13.01.2025 | 11:44
Կուրսկում արդեն 300 հյուսիսկորեացի զինվորներ են սպանվել, 2700-ը՝ վիրավորվել․ հարավկորեական հետախուզություն
Վրաստանն ակնկալում է ԵՄ-ի թեկնածուի կարգավիճակ ստանալ դեկտեմբերին
Քաղաքականություն
04.07.2023 | 20:23
Վրաստանը հույս ունի դեկտեմբերին ստանալ ԵՄ անդամակցության թեկնածու երկրի կարգավիճակ: Այս մասին հայտարարել է իշխող «Վրացական երազանք» կուսակցության նախագահ Իրակլի Կոբախիձեն։
«Վրաստանը կատարել է Եվրահանձնաժողովի բոլոր 12 հանձնարարականները՝ կարգավիճակ ստանալու համար: Այս դեպքում նույնիսկ մեկ պատճառ չկա, թե ինչու մեզ թեկնածուի կարգավիճակ չպետք է տրամադրեն: Այս ամենը փաստաթղթավորված է»,- ասել է Կոբախիձեն:
Միաժամանակ, նա նշել է, որ դեկտեմբերին Բրյուսելում Վրաստանի վերաբերյալ քաղաքական որոշում կկայացվի, որն անկանխատեսելի է, և ռիսկերը մեծ են՝ հաշվի առնելով որոշումը, որը պետք է կայացվի ԵՄ անդամ բոլոր երկրների լիակատար կոնսենսուսով։
«Եթե մեզ մերժեն կարգավիճակի հարցում, դա վատ ազդանշան կլինի»,- ասել է Կոբախիձեն՝ նշելով, որ Վրաստանն արժանի էր Ուկրաինայի և Մոլդովայի հետ միասին թեկնածու երկրի կարգավիճակ ստանալուն դեռևս անցյալ տարի, սակայն «մեկ տարի առաջ Բրյուսելում անարդար որոշում է կայացվել»։
Հունիսին ԵՄ առաջնորդները հայտարարեցին, որ Վրաստանը մինչ այժմ կատարել է Եվրահանձնաժողովի 12 հանձնարարականներից միայն երեքը՝ կարգավիճակ ստանալու համար։
Տաթև Ֆռանգյան
