02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ՆԱՏՕ-ի դաշնակիցները ևս մեկ տարով երկարաձգում են Ստոլտենբերգի պաշտոնավարումը
Քաղաքականություն
04.07.2023 | 15:05
ՆԱՏՕ-ի դաշնակիցները որոշել են երկարաձգել գլխավոր քարտուղար Յենս Ստոլտենբերգի պաշտոնավարումը ևս մեկ տարով՝ մինչև 2024 թվականի հոկտեմբերի 1-ը։ Որոշումը կհաստատվի ՆԱՏՕ-ի պետությունների և կառավարությունների ղեկավարների կողմից Վիլնյուսում հուլիսի 11-12-ը կայանալիք գագաթնաժողովում:
ՆԱՏՕ-ի տարածած հաղորդագրության համաձայն՝ «դաշնակիցները շնորհակալություն են հայտնել գլխավոր քարտուղարին նրա առաջնորդության և նվիրվածության համար, որը կարևոր դեր է ունեցել աննախադեպ անվտանգության մարտահրավերների պայմաններում անդրատլանտյան միասնության պահպանման համար»։
«Ինձ համար պատիվ է ՆԱՏՕ-ի դաշնակիցների որոշումը՝ երկարաձգելու իմ լիազորությունները գլխավոր քարտուղարի պաշտոնում: Տրանսատլանտյան կապը Եվրոպայի և Հյուսիսային Ամերիկայի միջև ապահովում է մեր ազատությունն ու անվտանգությունը մոտ 75 տարի, և ավելի վտանգավոր աշխարհում մեր մեծ դաշինքը շատ ավելի կարևոր է, քան երբևէ»,- հայտարարել է Ստոլտենբերգը։
Հավելենք, որ Ստոլտենբերգի պաշտոնավարման երկրորդ ժամկետը պետք է ավարտվեր 2022 թվականի սեպտեմբերին, սակայն մեկ տարով երկարաձգվել էր Ուկրաինայի դեմ ՌԴ-ի պատերազմի պատճառով։
Էմմա Չոբանյան
