13.01.2025 | 11:24
Ունեցել ենք նախաքովիդյան շրջանի տնտեսական ցուցանիշներ, հիմա մտել ենք կայունության փուլ․ Պապոյան
Պետդեպը հավանություն է տվել Չեխիային F-35 կործանիչների վաճառքին
Քաղաքականություն
04.07.2023 | 20:38
ԱՄՆ Պետքարտուղարությունը հավանություն է տվել Չեխիային F-35 կործանիչների, զինամթերքի և հարակից սարքավորումների վաճառքին՝ մինչև 5,62 միլիարդ դոլար արժողությամբ համաձայնագրով։ VOA-ի փոխանցմամբ՝ այս մասին հայտնել է Պենտագոնը։
Պենտագոնի պաշտպանական անվտանգության համագործակցության գործակալությունը ծանուցել է Կոնգրեսին հնարավոր վաճառքի մասին: Հիմնական կապալառուները կլինեն Lockheed Martin-ը, Raytheon-ը և Boeing-ը:
Անցյալ տարի Չեխիայի կառավարությունը հայտարարել էր, որ ցանկանում է գնել 24 F-35 կործանիչներ՝ փոխարինելու շվեդական Saab AB-ից վարձակալած Gripen կործանիչները:
Պետքարտուղարության կողմից հաստատված փաթեթը կներառի նաև պահեստային շարժիչ, 70 միավոր AIM-120C-8 AMRAAM «օդ-օդ» հրթիռ, տարբեր ռումբեր, օժանդակ սարքավորումներ, պահեստամասեր և տեխնիկական աջակցություն, հայտնել է Պենտագոնը։
Տաթև Ֆռանգյան
