07.10.2026 | 23:48
Արթուր Դանիելյանը կալանավորվեց
Ֆրանսիայում երկրորդ գիշերն անընդմեջ հանգիստ է անցել
Քաղաքականություն
04.07.2023 | 18:16
Ֆրանսիայում, որտեղ հունիսի 27-ից շարունակվում են անկարգությունները ոստիկանի կողմից 17-ամյա դեռահասի սպանության պատճառով, երկրորդ գիշերն անընդմեջ անցել է առանց լուրջ միջադեպերի։ Այս մասին հայտնել է BFMTV-ն։
Երեքշաբթի առավոտվա դրությամբ՝ հայտնի է դարձել 72 ձերբակալվածի մասին, որոնցից 24-ը՝ Փարիզում և արվարձաններում։ Համեմատության համար նշենք, որ նախօրեին այս թիվը հասել էր 157-ի, իսկ ուրբաթ գիշեր ոստիկանությունը բերման էր ենթարկել 408 իրավախախտի։
Երկրում կարգուկանոն են ապահովել ավելի քան 45 հազար իրավապահներ։
Ներքին գործերի նախարարության տվյալներով՝ բողոքի ցույցերի մեկնարկից ի վեր ամբողջ Ֆրանսիայում ձերբակալվել է, ընդհանուր առմամբ, 3,490 մարդ, ինչպես նաև գրանցվել է մեքենաների գրեթե 5,900 հրկիզման դեպք, ավելի քան 12,200 աղբաման է այրվել, վնասվել է 1100 շենք։ Բացի այդ, 270 հարձակում է իրականացվել ոստիկանության վրա։
Նշվում է, որ հուլիսի 4-ին Ֆրանսիայի նախագահ Էմանուել Մակրոնը կհանդիպի 220 համայնքների ղեկավարների հետ, որտեղ տեղի են ունեցել անկարգություններ՝ իրենց աջակցությունը հայտնելու, կարծիքներ ու առաջարկներ լսելու համար։
Այս խորհրդակցություններից հետո պետության ղեկավարը ցանկանում է սկսել «մանրակրկիտ երկարաժամկետ աշխատանք՝ խորը պատճառները հասկանալու համար, որոնք հանգեցրել են տեղի ունեցածին»։
Տաթև Ֆռանգյան
