02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Ռուսական կողմը պնդում է, որ Մոսկվան ԱԹՍ-ների հարձակման է ենթարկվել
Քաղաքականություն
04.07.2023 | 11:52
Մոսկվայի իշխանությունները հայտարարել են քաղաքի վրա անօդաչու թռչող սարքերի հարձակումների հետ մղման մասին։ Քաղաքապետ Սերգեյ Սոբյանինի խոսքով՝ նոր Մոսկվայում և Մոսկվայի մարզում ուկրաինական անօդաչու սարքերի հարձակման փորձ է եղել, գրում է Meduza-ն։ «Հայտնաբերված բոլոր ԱԹՍ-ները ոչնչացվել են»,-ասվում է Սոբյանինի հայտարարության մեջ։
ՌԴ ՊՆ-ն էլ հայտարարել է, թե 4 անօդաչու է ոչնչացվել Նոր Մոսկվայի տարածքում ՀՕՊ միջոցներով։ Եվս մեկն էլ ճնշվել է ռադիոէլեկտրոնային պայքարի միջոցներով ու կործանվել Մոսկվայի մարզի Օդինցովո շրջանում։
Վնուկովո օդանավակայանը ժամանակավորապես դադարեցրել է թռիչքների ընդունումը՝ ինքնաթիռները ուղղվել են այլ օդանավակայաններ։ Տեղական ժամանակով 08:00-ից Վնուկովոյի աշխատանքը վերսկսվել է սովորականի պես։
Հավելենք, որ պաշտոնական Կիևն այս տեղեկությունները դեռ որևէ կերպ չի մեկնաբանել։
