13.01.2025 | 11:55
Ըստ գործի՝ Վաչագան Ղազարյանը Իսակովի պողոտայում գտնվող հող է օտարել Քոչարյանի գրասենյակին․ ՏԵՍԱՆՅՈՒԹ
ՌԴ-ում արգելափակել են Պրիգոժինի կայքերը
Քաղաքականություն
03.07.2023 | 16:44
Ռուսաստանի իշխանությունները արգելափակված կայքերի ռեեստրում ներառել են 7 դոմեիններ, որոնք գործում էին ի աջակցություն «Վագներ» մասնավոր ռազմական կազմակերպության հիմնադիր Եվգենի Պրիգոժինին։ Այս մասին հայտնում է «Роскомсвобода»-ն, որը զբաղվում է արգելափակումներով, փոխանցում է Meduza-ն։
p2024.site, pp2024.site, p2024.tech, pp2024.tech և pp2024.online առաջին կայքերը արգելափակվել են հունիսի 28-ին, ևս երկու p2024.info և p2024.biz կայքեր արգելափակվել են հուլիսի 2-ին։ Բոլոր կայքերը կրկնում են միևնույն էջը, որը նման է նախընտրական քարոզչական պաստառի և վերնագրված է «Եվգենի Պրիգոժին 2024»։ Էջում ասվում է, որ Պրիգոժինը «մարդ է, որը չի վաճառի Ռուսաստանը եվրոպական ամրոցների և ամերիկյան բանկային հաշիվների համար»: Կա նաև այսպիսի կոչ. «Ռուսաստանը փրկելու համար պատրաստ եղեք աջակցել Պրիգոժինին։ Նոր Ռուսաստանի նոր առաջնորդը»։ Չկա որևէ հաստատում, որ արգելափակված կայքերը իսկապես կապված են Պրիգոժինի հետ։
