07.10.2026 | 23:48
Արթուր Դանիելյանը կալանավորվեց
Ֆրանսիայում բռնկված անկարգությունների ալիքը հասել է Շվեյցարիա
Քաղաքականություն
03.07.2023 | 16:18
Ոստիկանի կրակոցի հետևանքով 17-ամյա դեռահասի մահվանից հետո Ֆրանսիայում սկիզբ առած անկարգությունների ալիքը հասել է Շվեյցարիա, հայտնում է AFP-ը։ Ավելի քան հարյուր դեռահասներ և երիտասարդներ սոցիալական ցանցերում հնչեցրած կոչերից հետո շաբաթ երեկոյան հավաքվել են Լոզանի կենտրոնում, նրանք կոտրել են պատուհանների ապակիները և քարեր նետել ոստիկանների վրա։
Շվեյցարական ոստիկանության տվյալներով՝ բերման է ենթարկվել 7 մարդ, այդ թվում՝ 6 անչափահաս։ Տուժածների մասին տեղեկություններ չկան:
Ֆրանսիայի նախագահ Էմանուել Մակրոնը պատրաստվում է այսօր հանդիպել Ֆրանսիայի խորհրդարանի պատգամավորների ու անկարգություններից տուժած 220 քաղաքների ու համայնքների քաղաքապետերի հետ։ Երկրում ստեղծված իրավիճակի պատճառով նա հետաձգել է երկուշաբթի օրը նախատեսված այցը Գերմանիա։
Հունիսի 30-ին նախագահ Մակրոնը, ելույթ ունենալով անկարգությունների հետ կապված միջգերատեսչական ճգնաժամային խմբի նիստում, դատապարտեց ջարդեր հրահրողներին և «նրանց, ովքեր օգտագործում են այս իրավիճակը և այս պահը, որպեսզի փորձեն անկարգություններ հրահրել և հարձակվել մեր հաստատությունների վրա»,- Մակրոնի խոսքերն է մեջբերում Rfi-ը։
