16.05.2026 | 18:39
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ռուսաստանը սկսել է ավելի հազվադեպ կիրառել կառավարվող ավիառումբեր․ Գումենյուկ
Քաղաքականություն
03.07.2023 | 14:46
Ուկրաինայի բանակի «Հարավ» օպերատիվ հրամանատարության մամուլի կցորդ Նատալյա Գումենյուկը հայտարարել է, որ ռուսները վերջին շրջանում սկսել են նկատելիորեն ավելի քիչ օգտագործել կառավարվող ռումբեր, փոխանցում է BBC-ի ռուսական ծառայությունը։
«Նրանք չեն հրաժարվել կառավարվող ռումբերով ռմբակոծություններից, բայց, ակնհայտ է, դրանք ավելի քիչ են։ Նախկինում օրական 3-4 նման դեպք էր գրանցվում, հետո դարձավ 2-3, հիմա, ըստ էության՝ օրական մեկ դեպք է, որպես կանոն»,- Գումենյուկի խոսքերն են մեջբերում ուկրաինական գործակալությունները։
«Դա, ամենայն հավանականությամբ, պայմանավորված է նրանով, որ նրանք այդ կառավարվող ռումբերը վերամշակում են հնացած ռումբերից»,- շարունակել է Գումենյուկը՝ հիշեցնելով, որ ռուսական ինքնաթիռները հեռվից բաց են թողնում կառավարվող կամ կարգավորվող ռումբերը՝ չմտնելով Ուկրաինայի ՀՕՊ հարվածի գոտի։
