14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրքիայի հարավարևելյան հանգստավայրում անտառային հրդեհներ են
Քաղաքականություն
30.06.2023 | 18:46
Թուրքիայի հարավարևելյան Մուղլա նահանգում գտնվող Դատչա հանրահայտ հանգստավայրում անտառային հրդեհ է բռնկվել՝ ընդգրկելով 25 հեկտար հողատարածք, գրում է Bianet-ը։
Անտառային տնտեսության գլխավոր վարչությունը սոցցանցերում հայտնել է, որ հրդեհը, որը բռնկվել է էլեկտրահաղորդման գծերի կարճ միացման հետևանքով, հսկողության տակ է վերցվել երեկոյան։ Նշվում է, որ հրդեհաշիջման աշխատանքներում ներգրավված է 6 ինքնաթիռ և 10 ուղղաթիռ, իսկ ցամաքում 50 հրշեջ մեքենա է աշխատել։
Հավելենք, որ նախորդ տարի ևս Թուրքիայում զանգվածային անտառային հրհդեհներ էին, այդ թվում ՝ Մուղլաում։ Գյուղատնտեսության և անտառային տնտեսության նախարարության նոյեմբեր ամսվա տվյալները ցույց են տվել, որ 2022 թվականին անտառային հրդեհներից տուժել է ավելի քան 12,000 հեկտար տարածք։
