16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Լեհաստանի իշխանությունները հայտարարել են լրտեսության կասկածանքով ՌԴ-ից հոկեյիստի ձերբակալության մասին
Քաղաքականություն
30.06.2023 | 16:06
Լեհաստանում լրտեսության կասկածանքով ձերբակալվել է Ռուսաստանից մարզիկ, որը հանդես է գալիս հոկեյի Առաջին լիգայի ակումբներից մեկում։ Այս մասին հայտարարել է Լեհաստանի գխավոր դատախազ և արդարադատության նախարար Զբիգնև Զեբրոն, գրում է Meduza-ն։
Նա նշել է, որ հոկեյիստը դարձել է ռուսական լրտեսական ցանցի 14-րդ բացահայտված անդամը։ Գլխավոր դատախազը չի նշել ձերբակալվածի անունը կամ այլ մանրամասներ։
Լեհաստանի հատուկ ծառայությունների նախարար-համակարգողի մամուլի ծառայությունը, չնշելով ձերբակալվածի անունը, ասել է, որ կասկածյալը Լեհաստանում է գտնվել 2021 թվականից և, ի թիվս այլ բաների, տվյալներ հավաքել «մի շարք վոյեվոդությունների կարևոր ենթակառուցվածքների մասին»։
Դատարանի որոշմամբ՝ հոկեյիստը երեք ամսով կալանավորվել է։
Ըստ լեհական որոշ աղբյուրների՝ ձերբակալվածի անունը Մաքսիմ Ս. է։
Էմմա Չոբանյան
