02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Լավրովը մեկնաբանել է Պրիգոժինի ապստամբությունը
Քաղաքականություն
30.06.2023 | 14:35
«Վագներ» մասնավոր ռազմական ընկերության ղեկավար Եվգենի Պրիգոժինի կազմակերպած ապստամբությունը ոչ այլ ինչ է, քան դժվարություն, որից Ռուսաստանը միշտ ավելի ուժեղ է դուրս եկել։ Այս մասին ճեպազրույցի ընթացքում հայտարարել է ՌԴ ԱԳ նախարար Սերգեյ Լավրովը, գրում է Lenta-ն։
«Ռուսաստանը միշտ ցանկացած դժվարությունից, իսկ սա այլ բան դժվար է անվանել, դուրս է եկել ավելի ամուր ու ուժեղ։ Այդպես կլինի նաև այս անգամ։ Ավելին, մենք զգում ենք, որ այդ գործընթացը սկսվել է»,- ասել է Լավրովը։
Հիշեցնենք, որ «Վագների» զինյալները Եվգենի Պրիգոժինի գլխավորությամբ ապստամբություն էին սկսել, հունիսի 24-ի գիշերը մտել Դոնի Ռոստով, այնուհետև շարժվել դեպի Մոսկվա, բայց չէին հասել մայրաքաղաք։ Հունիսի 24-ի երեկոյան Պրիգոժինը հայտարարել էր, որ Բելառուսի նախագահ Ալեքսանդր Լուկաշենկոյի հետ բանակցություններից հետո «հետ են դարձնում իրենց շարասյուները» և «հեռանում են դաշտային ճամբարներ՝ պլանի համաձայն»։
Էմմա Չոբանյան
