06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Ուկրաինան անվանել է Զելենսկիի՝ ՆԱՏՕ-ի գագաթնաժողովին մասնակցելու պայմանը
Քաղաքականություն
30.06.2023 | 13:46
Ուկրաինան ցանկանում է հուլիսին Լիտվայում կայանալիք ՆԱՏՕ-ի գագաթնաժողովում հրավեր ստանալ դաշինքին անդամակցության գործընթաց սկսելու համար, և նախագահ Վլադիմիր Զելենսկին չի մասնակցի հավաքին, քանի դեռ առաջնորդները «քաջություն չեն ցուցաբերել»։ Այս մասին հայտարարել է Ուկրաինայի նախագահի գրասենյակի ղեկավարի տեղակալ, դիվանագիտության գծով Զելենսկիի գլխավոր խորհրդական Իգոր Ժովկվան, գրում է BBC-ի ռուսական ծառայությունը։
Նրա խոսքով՝ Կիևը ցանկանում է, որ հուլիսի 11-12-ը կայանալիք ՆԱՏՕ-ի գագաթնաժողովը պատասխանի դաշինքին անդամակցելու դիմումին, որն Ուկրաինան ներկայացրել էր անցյալ տարվա սեպտեմբերի 30-ին։
«Այդ հայտն այժմ գտնվում է ՆԱՏՕ-ի դաշնակիցների առաջնորդների սեղանին։ Վիլնյուսի գագաթնաժողովը կլիներ շատ լավ սկիզբ այդ հայտին պատասխանելու համար։ Իսկ պատասխան ասելով՝ հասկանում ենք անդամակցության հրավեր, որը միայն առաջին փուլն է»,- ասել է Ժովկվան։
Նա նշել է, որ Կիևը հնարավոր է համարում ՆԱՏՕ-ին անդամակցումը Ռուսաստանի հետ պատերազմի պայմաններում։
«Մենք խնդրում ենք սկսել գործընթացը»,- ասել է նա։
Ուկրաինան կարծում է, որ ռուսական ներխուժման դեմ իր առճակատումը ցույց է տալիս, որ երկիրն արժանի է անդամակցելու ՆԱՏՕ-ին և ապացուցել է, որ հանդիսանում է անդրատլանտյան անվտանգության առանցքային մաս:
Այս շաբաթ ավելի վաղ Զելենսկիի գրասենյակից հայտարարել էին, որ գագաթնաժողովի նախօրեին Ուկրաինայի նախագահը որոշում կկայացնի՝ գնա՞լ Վիլնյուս, թե՞ ոչ։
Էմմա Չոբանյան
