14.09.2026 | 11:11
Ձախողումներն ակնհայտ են, ակնկալում եմ՝ Աժ նախագահի հրաժարականն այս նստաշրջանի ընթացքում․ Ղազարյան․ ՏԵՍԱՆՅՈՒԹ
Էմանուել Մակրոնը ճգնաժամային խմբի նիստ կանցկացնի Ֆրանսիայում անկարգությունների պատճառով
Քաղաքականություն
30.06.2023 | 14:08
Ֆրանսիայի նախագահ Էմանուել Մակրոնը միջգերատեսչական ճգնաժամային խմբի նիստ կանցկացնի՝ ոստիկանների կողմից դեռահասի սպանությունից հետո երկրում տիրող անկարգությունների հետ կապված։ Այս մասին հայտնում է BFMTV-ն՝ Ելիսեյան պալատին հղումով։
Հեռուստաալիքի տվյալներով՝ հանդիպումը նախատեսված է ժամը 13:00-ին: Այն անցկացնելու համար Մակրոնը պետք է ընդհատի իր այցը Բրյուսել, ուր նա ժամանել է նախօրեին՝ մասնակցելու ԵՄ գագաթնաժողովին։
Հիշեցնենք, որ հունիսի 27-ին Նանտերի ճանապարհներից մեկում ոստիկանները ստուգման ժամանակ կրակել են 17-ամյա դեռահասի ուղղությամբ, որը, ըստ իրավապահների, հրաժարվել է կատարել իրենց պահանջները։ Արդյունքում Ֆրանսիայի մի շարք քաղաքներում անկարգություններ են սկսվել՝ երիտասարդներն այրել են մեքենաներ, ոստիկանական բաժանմունքներ ու վարչական շենքեր։
Ֆրանսիայում մեկ գիշերում բողոքի ցույցերի ընթացքում ավելի քան 660 մարդ է բերման ենթարկվել։
Տաթև Ֆռանգյան
