07.10.2026 | 23:48
Արթուր Դանիելյանը կալանավորվեց
ՆԱՏՕ-ում նախնական պայմանավորվածություն են ձեռք բերել Ստոլտենբերգի լիազորությունների երկարաձգման վերաբերյալ
Քաղաքականություն
30.06.2023 | 13:05
ՆԱՏՕ-ի երկրները նախնական համաձայնություն են տվել դաշինքի գլխավոր քարտուղար Յենս Ստոլտենբերգի լիազորությունները ևս մեկ տարով երկարաձգելուն։ Այս մասին հայտնում է Associated Press-ը՝ հղում անելով ամերիկացի պաշտոնյայի, որը ցանկացել է անանուն մնալ։
«Ներկայացուցիչն ասել է, որ դաշինքի անդամները դեռ պետք է հաստատեն այս որոշումը։ Նա նշել է, որ շուտով ակնկալվում է Ստոլտենբերգին ևս մեկ տարով պաշտոնական առաջարկ ուղարկելու որոշում՝ իր ընթացիկ պարտականությունները կատարելու համար»,- ասված է հաղորդագրության մեջ։
Գործակալության աղբյուրի փոխանցմամբ՝ ՆԱՏՕ-ի երկրների ղեկավարների մեծ մասը համաձայն է ԱՄՆ նախագահ Ջո Բայդենի հետ, որ ներկայիս պայմաններում Ստոլտենբերգը պետք է մնա դաշինքի գլխավոր քարտուղար։
Տաթև Ֆռանգյան
