10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
ՆԱՏՕ-ի և ԵՄ-ի հետ համագործակցության ուժեղացումը զսպիչ մեխանիզմ կլինի Ադրբեջանի համար. Ստեփան Գրիգորյան
Քաղաքականություն
05.07.2017 | 17:15
ՆԱՏՕ-ի և Եվրամիության հետ համագործակցության ուժեղացումը զսպիչ մեխանիզմ կլնի Ադրբեջանի համար: Այս մասին այսօր «ՆԱՏՕ-ն` Վարշավայից Բրյուսել` մարդկային անվտանգության և անվտանգության ոլորտի բարեփոխումները Հայաստանում» միջազգային գիտաժողովի ժամանակ կարծիք հայտնեց Գլոբալիզացիայի և տարածաշրջանային համագործակցության վերլուծական կենտրոնի խորհրդի նախագահ Ստեփան Գրիգորյանը՝ խոսելով շփման գծում պարբերաբար տիրող լարվածությունից:
«Մեր նպատակը հենց դա է, որ Հայաստանի ակտիվ համագործակցությունը միջազգային կառույցների հետ դառնա զսպիչ մեխանիզմ: Պարզ է՝ ՆԱՏՕ-ն կոնֆլիկտով ուղղակի չի զբաղվում, բայց երբ կառույցի պաշտոնյաներն ասում են՝ Մինսկի խումբը գլխավոր ձևաչափն է, դա մեզ ձեռնտու է»,- պատասխանելով Factor.am-ի հարցին, թե որքանով ՆԱՏՕ-ի հետ հարաբերությունների խորացումը կնպաստի ղարաբաղա-ադրբեջանական շփման գծում իրավիճակի փոփոխությանն, ասաց քաղաքագետը:
Հիշեցնենք, որ հուլիսի 4-ին արցախա-ադրբեջանական հակամարտ զորքերի շփման գծում հակառակորդը շարունակել է խախտել հրադադարի պահպանման ռեժիմը տարբեր տրամաչափի ականանետերից, իսկ ժամը 20:20-ի սահմաններում հարավային ուղղությամբ կիրառել է նաև ՏՌ-107 տիպի համազարկային հրթիռային կայանքներ: Արցախի ՊԲ-ն դիմել էր պատասխան գործողությունների, ինչի հետևանքով ադրբեջանական կողմը կորուստներ էր կրել։
Մանրամասները՝ տեսանյութում:
