25.11.2024 | 13:36
Ռումինիայի նախագահական ընտրությունների առաջին փուլում առաջատար է ՆԱՏՕ-ին և Ուկրաինային օգնությունը քննադատած Քելին Ջորջեսկուն
Բոլորս պետք է պատասխանատվության զգացում ունենանք մեր երկրի ապագայի նկատմամբ. Կարեն Կարապետյան
Քաղաքականություն
05.07.2017 | 17:25
ՀՀ վարչապետ Կարեն Կարապետյանը շնորհավորական ուղերձ է հղել Սահմանադրության օրվա առթիվ, որը հրապարակվել է նրա ֆեյսբուքյան էջում.
«Սիրելի՛ հայրենակիցներ,
22 տարի առաջ այս օրն ընդունվեց Հայաստանի Հանրապետության Սահմանադրությունը: Այդ փաստաթուղթը ոչ միայն խորհրդանշում էր մեր նոր պետականությունը, այլև ամուր հիմքեր սահմանում Հայաստանի կառուցման և սահմանադրականության ձևավորման ու զարգացման համար: Սահմանադրության դերն անգնահատելի է մեր երկրի՝ որպես ժողովրդավարական, իրավական և սոցիալական պետության կայացման հարցում։
Այսօր՝ սահմանադրական բարեփոխումների իրացման ճանապարհին, մենք բոլորս մեծ անելիքներ ունեն: Վստահ եմ, որ պետք է առաջնորդվենք այն գաղափարով, որ Սահմանադրության գերակայության ապահովումն ու լիարժեք կիրառումը կախված է ինչպես իշխանությունից, այնպես էլ յուրաքանչյուր քաղաքացուց: Բոլորս պետք է պատասխանատվության զգացում ունենանք մեր երկրի ապագայի նկատմամբ ու ամեն օր աշխատենք այդ ապագան ավելի լավը դարձնելու համար:
Այս առիթով շնորհավորում եմ մեզ բոլորիս և ցանկանում վստահեցնել Սահմանադրության և իրավունքի գերակայության ապահովման մեր վճռականության մասին»:
