03.10.2026 | 16:32
Վիլնյուսի օդանավակայանը դադարեցրել է աշխատանքը օդային տագնապի հայտարարման պատճառով
Եթե դուք լինեիք Վիգեն Խաչատրյանի փոխարեն, նա ձեր հոգեհանգստին կգար․ Կոնջորյանը՝ ընդդիմությանը․ ՏԵՍԱՆՅՈՒԹ
Հասարակություն
26.06.2023 | 13:33
«Քաղաքացիական պայմանագիր» խմբակցության ղեկավար Հայկ Կոնջորյանն ԱԺ արտահերթ նիստում անդրադառնալով ընդմիջումից առաջ լարված իրավիճակին՝ հիշեցրեց, որ իրավիճակը թեժացավ, երբ «Հայաստան» խմբակցության պատգամավոր Սեյրան Օհանյանը ԱԺ նախագահին անվանեց «սրիկա»։ «Ի ն պատասխան ես պարոն Օհանյանին ասացի, որ նա դաստիարակություն չի ստացել և սրիկան ինքն է, ինչից հետո իրենց խմբակցությունը ալեկոծվեց, և այժմ իրենց խմբակցությունը ԱԺ-ում չկա»:
Հայկ Կոնջորյանը նշեց, որ ընդդիմությունը ոչ միայն չի մասնակցել Վիգեն Խաչատրյանի հոգեհանգստին և հուղարկավորությանը, այլև այսօրվա արտահերթ նիստին ուշացումով է ներկայացել, որպեսզի մեկ րոպե լռությամբ չհարգի նրա հիշատակը. «Դա ոչ միայն քաղաքականապես սնանկ, այլև մարդկայնորեն ճղճիմ պահվածք է, որը ի ցույց է դնում ընդդիմության հոգևոր և բարոյական դատարկությունը: Եվ այս մարդիկ մեզ 20 տարի ղեկավարել են»:
Դիմելով ընդդիմությանը՝ Հայկ Կոնջորյանն ընդգծեց. «Եթե դուք լինեիք Վիգեն Խաչատրյանի փոխարեն, Վիգեն Խաչատրյանը ձեր հոգեհանգստին կգար, և Վիգեն Խաչատրյանն այսօր քաղաքականապես ավելի կենդանի է, քան դուք»:
Մանրամասները՝ տեսանյութում։
