14.11.2024 | 10:46
Թրամփն Արցախ այցելած ու Բաքվի սև ցուցակում գտնվող Թուլսի Գաբարդին որոշել է նշանակել հետախուզության տնօրենի պաշտոնում
Ռուսաստանը երկարաձգել է պարենի ներկրման արգելքը
Քաղաքականություն
05.07.2017 | 18:52
ՌԴ վարչապետ Դմիտրի Մեդվեդևը գյուղատնտեսական արտադրանքի, հումքի և պարենի ներկրման արգելքը երկարաձգող փաստաթուղթ է ստորագրել։ Արգելքը վերաբերում է Ռուսաստանի դեմ պատժամիջոցներ սահմանած երկրներին, փոխանցում է ria.ru-ն։
Սահմանափակումները վերաբերում են ԱՄՆ-ին, Եվրամիության երկրներին, Կանադային, Ավստրալիային, Նորվեգիայի Թագավորությանը, Ուկրաինային, Ալբանիային, Չեռնոգորիային, Իսլանդիային և Լիխտենշտեյնին։
Ավելի վաղ Մեդվեդևն ընդգծել էր, որ նման քայլն անհրաժեշտություն է. « Սրանով, Ռուսաստանը ոչ միայն իր ազգային շահերն է պաշտպանում, այլև պահպանում է տնտեսության մի շատ կարևոր հատված»:
Միևնույն ժամանակ, պատասխան տնտեսական միջոցները տարածվում են առանձին պետությունների վրա՝ հաշվի առնելով պատժամիջոցների ռեժիմին նրանց ներգրավվածության մակարդակը։
