26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Փաստաբանը պատմում է, թե ինչ է տեղի ունեցել Դավիթ Հարությունյանի վերաբերյալ ԲԴԽ նիստին․ ՏԵՍԱՆՅՈՒԹ
Հասարակություն
20.06.2023 | 15:05
Բարձրագույն դատական խորհրդում Դատավոր Դավիթ Հարությունյանի վերաբերյալ կարգապահական գործի մի քանի ժամ քննությունից հետո նիստն ընդմիջվել էր մինչև ժամը 14:00-ն: Այն այս պահին շարունակվում է: Ընդմիջման ընթացքում փաստաբան Երեմ Սարգսյանը լրագրողների հետ զրույցում որոշ մանրամասներ ներկայացրեց նիստի ընթացքից:
Պաշտպանը հայտնեց, որ ինքն, ինչպես նաև Հարությունյանի գործին այսօր ներգրավված մյուս փաստաբանները ԲԴԽ-ին հայտնել են, որ ծանոթ չեն գործի նյութերին, սակայն իրենց 2 ժամ է տրամադրվել դրանց ծանոթանալու համար: Պաշտպանը նաև հայտնեց, որ միջնորդել են անցնել գործի դռնբաց քննության, սակայն միջնորդությունը մերժվել է:
Երեմ Սարգսյանի խոսքով` ցանկացել է ձայնագրել ԲԴԽ նիստը, սակայն իրեն հայտնել են, որ ԲԴԽ աշխատակարգային որոշման համաձայն` միայն ԲԴԽ-ի թույլտվությամբ կարող է նիստը ձայնագրվել, մինչդեռ, ըստ պաշտպանի, ավելի բարձր իրավաբանական ուժ ունեցող «Դատական օրենսգրքով» իրենք իրավունք ունեն դատական նիստի ձայնագրություն և սղագրություն իրականացնելու:
Մանրամասները` տեսանյութում
Արաքս Մամուլյան
