28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
«Որևէ գործ քննելու հետ կապված մտավախություն չեմ կարող ունենալ»․ Դավիթ Հարությունյան․ ՏԵՍԱՆՅՈՒԹ
Քաղաքականություն
05.07.2018 | 16:38
Ինչպես արդեն տեղեկացրել ենք, այսօր Ազգային ժողովում մեկնարկել են Ընտրական օրենսգրքում փոփոխություններ իրականացնելու վերաբերյալ քննարկումները։ Քննարկմանը մասնակցող արդարադատության նախկին նախարար Դավիթ Հարությունյանը, լրագրողների հետ զրույցում, պատասխանելով հարցին՝ ինչ գնահատական կտա տարածված հաղորդագրությանը, որտեղ նշվում է, որ «Մարտի 1-ից» առաջ ընտրություններն անցել են ընտրախախտումներով, ասաց. «Յուրաքանչյուր հարցի, երբ խոսում ենք իրավաբանի հետ, պետք է տալ իրավական ձևակերպում, հետևաբար, ընտրությունների ժամանակ վիճելի հարցերը լուծվում են Սահմանադրական դատարանում, իսկ Սահմանադրական դատարանի ակտերը չեն վիճարկվում»։
Դիտարկմանը՝ ըստ հրապարակված հաղորդագրության՝ ժողովուրդը այն ժամանակ զրկվել է իր ընտրությունն ազատ արտահայտելու հնարավորությունից, ինչի հետևանքով էլ 2008 թվականի փետրվարին կազմակերպվել են երթեր, հավաքներ, արդարադատության նախկին նախարարը պատասխանեց․ «Ես ոչինչ չունեմ ասելու, այս ձևակերպումները իրավական տեսանկյունից գնահատման ենթակա չեն»։
Հստակեցմանը՝ մտավախություն չունի, որ ընտրախախտումների վերաբերյալ բացահայտումները կշարունակվեն, Դավիթ Հարությունյանը պատասխանեց․ «Որրևէ գործ քննելու հետ կապված ես չեմ կարող ունենալ մտավախություն»։
Մանրամասները՝ տեսանյութում։
