24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
«Մոռացե՞լ եք՝ Խաչատուր Սուքիասյանին ինչ օրը գցեցին»․ Արթուր Սաքունց․ ՏԵՍԱՆՅՈՒԹ
Քաղաքականություն
05.07.2018 | 12:06
Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը համամիտ չէ տեսակետի հետ, որ «Մարտի 1-ի» գործը սկսել է նոր թափով բացահայտվել։
Նրա համոզմամբ՝ այստեղ հստակ հարց է առաջանում՝ ինչը պետք է հիմա բացահայտվի։
««Մարտի 1-ի» գործով բացահայտումների մասին խոսելը տարօրինակ է։ Ի՞նչը բացահայտենք՝ Ռոբերտ Քոչարյանի՞ն։ Բացահայտում բառը պետք է օգտագործել «Մարտի 1»-ին մի ամբողջ կազմակերպված բանդայի, պետությունը զավթածների կողմից իշխանությունը պահելու հարցի տեսանկյունից։ Բացահայտում ասածը առաջին դեմքերի առումով արդեն իսկ ակնհայտ է, իսկ դրանց հետևանքների առումով՝ դեռ ոչ»,- ասաց նա՝ կոչ անելով բոլոր այն մարդկանց, ովքեր հետապնդումների են ենթարկվել «Մարտի 1-ի» գործով, չվարանեն և իրենց պատմությունները ներկայացնել Հատուկ քննչական ծառայությանը։
«Սա Հայկական Նյուրբերգ պետք է լինի»,- ասաց Արթուր Սաքունցը՝ նշելով, որ այս գործով պետք է պատասխանատվության ենթարկվեն նաև մարզային բոլոր դատախազները, որոնք մեղավոր են ապօրինի քրեական հետապնդումներ իրականացնելու համար։
Իրավապաշտպանը խոսեց «Մարտի 1-ի» հետևանքների մասին՝ ընդգծելով, որ դրա հետևանքով նաև թալանել են որոշ մարդկանց ունեցվածքը․ «Հազարավոր մարդիկ զրկվել են նաև իրենց ունեցվածքից։ Մոռացե՞լ եք՝ Խաչատուր Սուքիասյանին ինչ օրը գցեցին»։
Մանրամասները՝ տեսանյութում։
