15.09.2026 | 15:10
Միրզոյան-Բայրամով նոր հանդիպում է նախատեսվում // ԲՀԿ-ն կշարունակի քաղաքական գործունեությունը․ ԼՈՒՐԵՐ
Մտահոգված ենք Ադրբեջանի կրակոցներից ՀՀ-ում ԱՄՆ-ին առընթեր ընկերության 2 աշխատակցի վիրավորվելու հանգամանքով․ ԱՄՆ պետդեպի խոսնակ
Քաղաքականություն
14.06.2023 | 22:39
ԱՄՆ Պետքարտուղարության խոսնակ Մեթյու Միլլերն անդրադարձել է Երասխում կառուցվող մետալուրգիական գործարանի ուղղությամբ Ադրբեջանի կրակոցներին, որի հետևանքով երկու օտարերկրացի է վիրավորում ստացել։
«Խորապես մտահոգված ենք, որ Հայաստանում ԱՄՆ-ին առընթեր երկու քաղաքացիական աշխատակիցներ վիրավորվել են Ադրբեջանի կողմից արձակված կրակոցների հետևանքով: Մենք կրկնում ենք սահմանների երկայնքով զսպվածության մեր կոչը, քանի որ կողմերն աշխատում են կայուն և հավասարակշռված խաղաղություն հաստատելու ուղղությամբ»,- Twitter-ի իր էջում գրել է Միլլերը։
Հիշեցնենք, որ այսօր՝ հունիսի 14-ին, ՊՆ-ից հայտնել են, որ ժամը 11:45-ի սահմաններում Երասխում կառուցվող մետալուրգիական գործարանի ուղղությամբ Ադրբեջանի սադրանքի հետևանքով վիրավորում է ստացել օտարերկրյա 2 քաղաքացի՝ գործարանի կառուցման շինարարական աշխատանքներում ներգրավված Հնդկաստանի քաղաքացիներ Մուհամադ Ասիֆը և Միրհասան Սահաջանը։
Երասխում կառուցվող գործարանի և քաղաքացիական նշանակության շարժական գույքի ուղղությամբ հակառակորդի կրակոցների դեպքի առթիվ ՀՀ ՔԿ-ում վարույթ է հարուցվել:
Ադրբեջանի կողմից ՀՀ Երասխ բնակավայրի ուղղությամբ քաղաքացիական նշանակության օբյեկտ հանդիսացող՝ կառուցվող մետալուրգիական գործարանի թիրախավորման հետևանքով վիրավորում ստացած երկու օտարերկրացի աշխատակիցներին վիրահատել են, առողջական վիճակը գնահատվում է միջին ծանրության:
