22.03.2026 | 21:42
Վահագն Խաչատուրյանն առանձնազրույց է ունեցել Վրաստանի նախագահի հետ
Պատերազմի մասնակից հաշմանդամություն ունեցողներին զանգում, ասում են՝ իրենց կարգում փոփոխություն է եղել․ ՏԵՍԱՆՅՈՒԹ
Հասարակություն
14.06.2023 | 18:41
«Քաղաքացիական պայմանագիր» խմբակցության պատգամավոր Էմմա Պալյանը ԱԺ-Կառավարություն հարցուպատասխանի ժամանակ ՀՀ աշխատանքի և սոցիալական հարցերի նախարարից հետաքրքրվել է, թե ինչն է ստեղծված իրավիճակի պատճառը, որ բժշկասոցիալական փորձաքննության ծառայությունից վերջին շրջանում զանգահարում են 44-օրյա պատերազմի ժամանակ վերջույթներից զրկված զինծառայողներին և տեղեկացնում, որ նրանց հաշմանդամության կարգը փոխվել է: Օրինակ` առաջին կարգից տեղափոխվել է երրորդ կարգ:
Նարեկ Մկրտչյանը պարզաբանեց, որ բժշկասոցիալական փորձաքննության նոր համակարգ է ներդրվել՝ նոր չափորոշիչներով․ հատուկ հանձնաժողովներում գնահատվում է ոչ միայն անձի առողջական կարգավիճակը, այլ նաև նրա ֆունկցիոնալությունը, և ըստ դրա՝ գնահատական է տրվում։
Նախարարի խոսքով՝ հաշմանդամության կարգի փոփոխությունը պայմանավորված է այն հանգամանքով, որ, օրինակ, մինչև պրոթեզավորման գործընթացն անցնելն այդ զինծառայողներն ունեցել են շարժունակության խնդիր, հետևաբար այդ ժամանակ ստացել են, օրինակ, առաջին կարգ:
Պրոթեզավորման փուլին հասնելու համար շատերը սպասել են ամիսներ կամ նույնիսկ մեկ տարի: Նախարարը նշել է, որ պրոթեզավորումն անցնելուց հետո կրկին տեղի է ունենում վերափորձաքննություն, որի արդյունքում որոշում է կայացվում: Օրինակ` եթե վերականգնվել է շարժունակությունը, փոփոխություն է կատարվում հաշմանդամության կարգում:
Մանրամասները` տեսանյութում:
