07.09.2026 | 19:32
Առողջության համընդհանուր ապահովագրության հիմնադրամի գլխավոր տնօրենի պաշտոնի համար կանցկացվի նոր մրցույթ
Չի կարելի ներել հանցավոր պատճառով առաջացած հետևանքները․ կառավարությունը որոշեց՝ կազատի տույժ-տուգանքներից, բայց ոչ բոլորին․ ՏԵՍԱՆՅՈՒԹ
Քաղաքականություն
04.07.2018 | 12:13
Կառավարության այսօրվա նիստում քննարկվեց որոշման նախագիծ, որով առաջարկվում է մինչև 2017 թվականի դեկտեմբերի 31-ը ներառյալ ներել քաղաքացիների կողմից կատարված իրավախախտումների հետևանքով կուտակված տույժ-տուգանքները։
Գործադիրին ներկայացված «Վարչական իրավախախտումների մասին» ՀՀ օրենքում փոփոխություն կատարելու մասին որոշման նախագծում, սակայն, կային որոշ վիճելի հարցեր, որոնցից մեկը վերաբերում էր խնդրին՝ արդյոք այս համաներումը բոլոր սուբյեկտների՞ն է վերաբերում, թե՝ ոչ։
«Չի կարելի ներել հանցավոր պատճառով առաջացած հետևանքները։ Պետությանը հասցված փոխհատուցման հարց կա այստեղ։ Ցանկացած որոշում, որը թեկուզ տեսականորեն կարող է փակել պետությանը պատճառած վնասի չափը, պետք է բացառել, քանի որ պետությանը հասցրած վնասը կոպեկ առ կոպեկ պետք է վերականգնվի»,- ասաց վարչապետը՝ Արդարադատության նախարար Արտակ Զեյնալյանին առաջարկելով կազմակերպել քննարկում՝ հստակեցնելով, թե ովքեր չեն կարող օգտվել պետության տված համաներման հնարավորությունից։
Այս որոշման նախագծի վերաբերյալ իր մտահոգությունները հայտնեց Մարդու իրավունքների պաշտպան Արման Թաթոյանը՝ առաջարկելով կազմակերպել քննարկում, որը կբխի մարդու իրավունքների հավասարությունից։
Որոշումն ընդունվեց և կառավարության անդամները պայմանավորվեցին կազմակերպել քննարկում։
Մանրամասները՝ տեսանյութում։
