23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Արգիշտի Քյարամյանը չպատասխանեց Դիլիջանի աղմկահարույց միջադեպին առնչվող հարցերին. ՏԵՍԱՆՅՈՒԹ
Հասարակություն
02.06.2023 | 16:17
Քննչական կոմիտեի նախագահ Արգիշտի Քյարամյանը չպատասխանեց լրագրողների՝ Դիլիջանի աղմկահարույց միջադեպին առնչվող հարցերին։
Նշենք, որ այսօր այդ հարցի առնչությամբ Ազգային ժողովում 2022թ․ բյուջեի կատարողականի նախնական քննարկման ժամանակ ասել է Քյարամյանը նշել էր, որ Դիլիջանի բաժնի քրեական բաժանմունքի պետը գործուն զղջալու հիմքով է քրեական պատասխանատվությունից ազատվել։
«Գործուն զղջալու հիմքով քրեական պատասխանատվությունից ազատելու իրավասությունը ՔԿ-ի լիարզորությունների տիրույթից դուրս է, բայց, այնուամենայնիվ, որպեսզի պարզ լինեի, կուզեմ ներկայացնել ՔԿ-ի և անձամբ իմ մոտեցումը նման երևույթներին։
Մարզային քննիչն է միջնորդություն ներկայացրել։ Դա քննչական կոմիտեի մոտեցումներին հակասող մոտեցում է։ Դա մենք չենք ընդունում, ու մեր ընդհանուր տրամաբանությունից դուրս է այն գաղափարը, որ այդ խրախուսական նորմը կարող է կիրառվել անչափահասների նկատմամբ ոտնձգություն իրականացնող անձանց նկատմամբ»,- նշել էր Քննչական կոմիտեի նախագահը։
Հիշեցնենք՝ երեկ, հունիսի 1-ին՝ երեխաների պաշտպանության օրը, լրատվամիջոցներով տարածվել էր տեսանյութ, որում երևում էր, թե ինչպես է ոստիկանության Դիլիջանի բաժնի քրեական հետախուզության բաժանմունքի պետը ծեծի ենթարկում 16-ամյա տղայի։
Ավելի ուշ հաղորդագրություն տարածվեց, որ ապրիլի 14-ին ՆԳՆ ոստիկանության ներքին անվտանգության վարչությունում դեպքի առնչությամբ սկսվել էր ծառայողական քննություն և հաստատվել վերոհիշյալ փաստը: Ինչպես նաև 16-ամյա տղան ճանաչվել է տուժող՝ նախաձեռնված քրեական վարույթի շրջանակներում։
Սակայն, ավելի ուշ քրեական վարույթ չհարուցելու մասին որոշում է կայացվել՝ հաշվի առնելով Դիլիջանի բաժնի քրեական հետախուզության բաժանմունքի պետի զղջալու հանգամանքը։
Մանրամասները՝ տեսանյութում։
