21.04.2026 | 11:33
Դատարանը ոչ իրավաչափ է ճանաչել Բաղրամյան պողոտայի հողամասի նկատմամբ սեփականության պետական գրանցումը
Ժապավենը կտրեցիք, բայց գետնանցումում թեքահարթակ չկար․ աշակերտը՝ Ավինյանին. ՏԵՍԱՆՅՈՒԹ
Հասարակություն
01.06.2023 | 14:58
Այսօր՝ հունիսի 1-ին՝ Երեխաների պաշտպանության օրը, Երևանի քաղաքապետարանի «ավագանու նիստին» ավագանու անդամների փոխարեն հանդես են գալիս տարբեր դպրոցների աշակերտներ։
«Երևանի քաղաքապետարանը երեխաների համար» խորագրով միջոցառման շրջանակում աշակերտները բարձրաձայնեցին հաշմանդամություն ունեցող երեխաներին վերաբերող մի քանի հարց։
Նրանք խոսեցին նաև թեքահարթակների անհրաժեշտության մասին՝ մասնավորապես գետնանցումներում։
«Վերջերս մի գետնանցումի ժապավեն կտրեցիք, որտեղ արդեն իսկ իրավունքները խախտված էին, թեքահարթակ չկար։ Ինչո՞ւ նախապես այդ հարցը չէր բարձրացվել, որպեսզի հետագայում նոր ծախսերի կարիք չլիներ»,- հետաքրքրվեց աշակերտներից մեկը՝ դիմելով փոխքաղաքապետին։
Ավինյանը վստահեցրեց, որ քաղաքը հաշմանդամություն ունեցող անձանց համար հասանելի դարձնելը Երևանի քաղաքապետարանի առաջնահերթությունների եռյակում է․ «Մենք որոշակի քայլեր ենք ձեռնարկում․ 10 գետնանցման համար պատվիրել ենք ոչ թե թեքահարթակներ, այլ հատուկ վերելակներ։ Ձեր նշած գետնանցումում մենք այս տարի ունենալու ենք վերելակ՝ երկու կողմից էլ»։
Մանրամասները՝ տեսանյութում։
