22.01.2026 | 17:27
Ջոկովիչը մտածում է «Մեծ սաղավարտի» 25-րդ տիտղոսի մասին․ «Հավատում եմ իմ ուժերին»
«Դոն Պիպոյի» 4 թիկնապահներն ազատ են արձակվել, պաշտպանը դատարան է դիմել նաև նրա խափանման միջոցը փոխելու համար
Տնտեսություն
03.07.2018 | 14:07
Արթուր Ասատրյանի (Դոն Պիպոյի) 4 թիկնապահների խափանման միջոցը փոխվել է դեռ ձերբակալման երրորդ օրը, իսկ Արթուր Ասատրյանի խափանման միջոց կալանքը փոխելու հարցի վերաբերյալ դեռ պատասխան չենք ստացել։
Այս մասին Factor.am-ին ասաց փաստաբան Գեղամ Հակոբյանը: Նա դիմել է դատարան երկու պահաջով՝ Արթուր Ասատրյանի խափանման միջոցը վերացնելու, կամ այն գրավով փոխելու: Պաշտպանն ասաց, որ «Դոն Պիպոն» իրեն առաջադրված մեղադրանքը չի ընդունում. «Ինքը շատ վատ է վերաբերվում իրեն կալանավորելուն, մեկ տարի տևած քննության ընթացքում միշտ ներկայացել է, ոչ մի անգամ չի խոչընդոտել կամ խուսափել քննությունից ու հանկարծ որոշում են կալանավորել: Նոր իշխանություններից ոգևորված նա էլ եկել էր էջմիածինցիների կողքին կանգնելու, և համոզված ենք, որ նրա գալը ևս բարոյական մեծ ազդեցություն ունեցավ էջմիածինցիների համախմբվելու առումով»:
Փաստաբանը պնդեց՝ Ասատրյանը եկել էր բարեգործական միջոցառումներ իրականացնելու, ոչ միայն իր կողմից այլ նաև տարբեր ներդրողների էր առաջարկել Հայաստանում գործել:
Մանվել Գրիգորյանի կալանավորումից էլ տեղյակ է, բայց կարծիք այդ մասին չի հայտնել:
Հիշեցնենք՝ «Դոն Պիպոյին» մեղադրանք է առաջադրվել ՀՀ քրեական օրենսգրքի 131-րդ հոդվածի 1-ին, 2-րդ, 3-րդ և 6-րդ կետերով («Մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը») և 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով:
Լիլիթ Շաբոյան
