16.05.2026 | 17:02
Մայիսի 17-ից օդի ջերմաստիճանը կբարձրանա
Ալիևը ռազմական հանցագործ է. Արթուր Հովհաննիսյան․ ՏԵՍԱՆՅՈՒԹ
Քաղաքականություն
23.05.2023 | 14:00
Ալիևը կառուցողական չէ, ռազմական հանցագործ է և չի իրականացնում միջազգային դատարանների վճիռները։ Այս մասին այսօր ԱԺ-ում լրագրողների հետ զրույցում նշեց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը։
«Ալիևը վստահելի չէ։ Բայց մենք գնում ենք Ադրբեջանի հետ խաղաղության, որպեսզի մեր երկրի շուրջ ապահովենք խաղաղություն, ճանապարհները ապաշրջափակվեն, կարողանանք զարգանալ, կարողանանք բանակը հզորացնել, որպեսզի այլևս երբեք չկարողանան մեր սասհամններին կրակել։
Մենք մեր միջազգային գործընկերների հետ շատ հստակ հարաբերվում ենք՝ թե Ռուսաստանի, թե՛ Արևմուտքի, թե՛ ԱՄՆ-ի, և նրանց ստեղծած հարթակներում փորձում ենք հնարավորինս կառուցողական լինել։ Այո, Ադրբեջանը կառուցողական չէ, բայց դա չի նշանակում, որ մենք պետք է հետ քաշվենք և թողնենք այնպես, ինչպես կա կամ թողնենք բախտի հույսին»,- նշեց Հովհաննիսյանը։
Նա նաև հայտարարեց, որ պետք է անել ամեն ինչ, որ կարողանան ստորագրել խաղաղության և հարաբերությունների կարգավորման մասին փաստաթուղթը, քանի որ դրա շնորհիվ կկարողանանք Հայաստանի շուրջ ապահովել երկարատև խաղաղություն և զարգացում։
Մանրամասները՝ տեսանյութում։
