08.08.2026 | 14:24
Ինչ արդյունքներ ունեն հայ շախմատիստները Եվրոպայի Մ20 առաջնությունում երկու խաղափուլից հետո
Խաչատուր Սուքիասյանը պատրաստվո՞ւմ է գնել «Արմնյուզ» ՀԸ-ն և մասնակցել արտահերթ ընտրություններին
02.07.2018 | 13:36
Իշխանափոխությունից հետո լուրեր են պտտվում, որ մեծ դժվարությունների առաջ է կանգնել նախկին նախագահ Սերժ Սարգսյանի փեսային՝ Վատիկանում ՀՀ արտակարգ և լիազոր դեսպան Միքայել Մինասյանին պատկանող «Պանարմենիան» մեդիա հոլդինգը, որտեղ սկսվել են կադրերի արտահոսք և ֆինանսական խնդիրներ։
Ըստ որոշ լուրերի՝ վիճակը վատ է հատկապես հոլդինգի կազմի մեջ մտնող «Արմնյուզ» հեռուստաընկերությունում, ուստի տնօրինությունը որոշել է վաճառել ՀԸ-ի բաժնետոմսերը, որոնցով հետաքրքրված է գործարար Խաչատուր Սուքիասյանը։
Արդյոք Խաչատուր Սուքիասյանը քայլեր ձեռնարկո՞ւմ է գնելու «Արմնյուզ» հեռուստաընկերության բաժնետոմսերը և պատրաստվո՞ւմ է արդյոք մասնակցել սպասվող արտահերթ ընտրություններին․ Factor.am-ը փորձեց պարզել գործարարի մամուլի խոսնակ Աննա Մկրտչյանից։
«Խաչատուր Սուքիասյանը «Պանարմենիան» մեդիա հոլդինգի կազմի մեջ մտնող «Արմնյուզ» հեռուստաընկերության բաժնետոմսերի վաճառքի մասին ոչինչ չգիտի, նա տեղյակ չէ, որ նման բան կա, անհասկանալի է՝ որտեղից է ենթադրությունը, թե ցանկանում է ՀԸ-ի բաժնետոմսերը գնել, իսկ ինչ վերաբերում է սպասվող արտահերթ ընտրություններին նրա մասնակցությանը կամ մասնակցության ձևաչափին, ապա պետք է նշեմ, որ դեռ այդ հարցով որևէ քննարկում չի եղել»,- մեզ հետ զրույցում ասաց Աննա Մկրտչյանը։
Աղավնի Սուքիասյան
